ESPA?A

Munchos ciudadanos quéxense –y nun-yos falta parte de razón– del recurrente debate públicu alredol de l’articulación territorial del Estáu y el so correlatu trescendente, que vien a ser la concepción d’Espa?a, la so trayectoria y les sos perspectives como Estáu. Ciertamente en non poques ocasiones resulta cansina la controversia repetida sobre la cohesión territorial, la convivencia de visiones contrapuestes sobre la condición uninacional o plurinacional d’Espa?a, y la compatibilidá de tendencies centrípetes y centrífuges que tensionen la nuestra realidá política. El debate tien un aquel de bizantín y un coste d’oportunidá abondo altu: cuanto más falamos del «ser d’Espa?a» menos analizamos asuntos d’a diario de l’axenda política, como la xusticia social, les desigualdaes que tovía llastren en bona mdida a la nuestra sociedá, el fenómenu inmigratoriu, el creciente riesgu d’atascu mediomabiental, etc. Amás, la discusión que protagonicen davezu los líderes políticos o d’opinión en bona midida afítase en planteamientos inflexibles y patrones abondo arcaicos, nuna dómina na que conceptos como nación y soberanía merecen una revisión y na que, amás, cualquier colectivu que s’afirme como tala nación va alcontrar poques soluciones en tal determinación –por sí sola– pa responder a les esmoliciones que trai’l procesu de globalización.
Con too y con eso, fecha l’anterior previsión, sí convién reflexonar con procuru sobre’l debate territorial espa?ol, lo que dalgunos clásicos llamaríen «la cuestión nacional», yá que, a la fin, Asturies xuégase muncho nun conciertu autonómicu qu’últimamente parez tar dalgo revueltu.
A lo llargo de décades –sieglos diría más d’ún– la noción d’Espa?a que se manexó y s’impunxo pela parte de los poderes públicos tuvo rasgos de difícil asimilación o almisión, o incluso inaceptable, pa munches de les persones comprendíes na sociedá espa?ola. Sacante honroses excepciones agospiaes pola experiencia republicana de 1931-1936 y, en menor midida, por otros nicios descentralizadores d’impactu perleve, con carácter previu al surdimientu de les Comunidaes Autónomes a raíz de la Constitución de 1978 la configuración del Estáu nel sieglu pasáu definióse pol so carácter unitariu, centralista y monolíticu. A esti modelu territorial xuntóse-y l’asunción pol franquismu d’un nacionalismu espa?ol esprecetáu como distintivu, cuasi únicu, del so ideariu. L’asfixante extremismu espa?olista de la dictadura, con táctiques asemeyaes a les de tantos otros sistemes autoritarios que nel mundu foron, supunxo la patrimonialización de símbolos pretendidamente comunes polos sostenedores del réxime y la distorsión de conceptos elementales como’l patriotismu. D’esi planteamientu sigue siendo tributaria bona parte de la derecha espa?ola, que se llevanta como guardiana de les esencies patries y a la primera de cambiu amuésase incapaz d’asumir que ye imprescindible dar el reconocimientu suficiente a la diversidá d’Espa?a y, en consecuencia, conxugar col interés común les aspiraciones d’autogobiernu de los territorios y colectividaes que la integren. Mentes una parte del Partíu Popular tenga verdaderes dificultaes pa dexar de mirar con se?aldá’l pasáu centralista y les enso?aciones imperiales del espa?olismu, les tensiones polítiques derivaes d’esta fase nueva del procesu autonómicu van danos más d’un quebraderu de cabeza. El problema políticu de la derecha espa?ola reside en que’l so fundamentu ideolóxicu sofítase cuasi exclusivamente nel nacionalismu espa?ol y los postulaos morales más anticuaos del catolicismu y por eso-yos resulta tan difícil flexibilizar el so discursu, anque la sociedá mire pa otru llau al consideralos cada vez más antilliberales y más allo?aos d’una mínima moderación. Por si fuera poco, l’aparición o radicalización de movimientos sociales que coqueteen col ultraderechismu puru y duru, afalaos por dellos medios de comunicación abonaos a la crispación, fain tovía más difícil que’l PP se convierta nun partíu políticu homologable al centru-derecha européu. Si nun se-y echa la galga a esta trayectoria, el PP nun va tardar muncho n’escomencipiar a cuestionar abiertamente l’Estáu Autonómicu, planteando una marcha atrás nel procesu de descentralización política y alministrativa en cursu.
Por suerte, la mayor parte de la sociedá manexa un conceptu diferente d’Espa?a y observa con optimismu munchos de los llogros del Estáu Autonómicu. Na mayor parte de los casos, l’asunción pela parte de les Comunidaes Autónomes de les competencies sobre los asuntos qu’afecten a la vida diaria de los ciudadanos, tuvo como consecuencia una meyora notable de los servicios públicos, una tresperencia mayor na xestión y un mayor control democráticu a los responsables de la toma de decisiones. L’autogobiernu xustifícase, dende’l puntu de vista prácticu, pola mayor eficacia que comporta na actuación de les alministraciones públiques. Y, dende’l puntu de vista políticu, l’autogobiernu lexitímase porque permite una mayor cercanía ente representantes y representaos, incentiva a la participación ciudadana nos asuntos públicos y contribúi a que toa colectividá que se defina por unos rasgos comunes pueda atopar un calce p’articular y expresar los sos proyectos conxuntos. La trayetoria del Estáu de les Autonomíes, el reforzamientu de la capacidá de decisión de los diferentes pueblos, y los preseos de gobiernu que foron perfeccionando les Comunidaes Autónomes tienen muncho que ver, amás, col enorme progresu económicu y social experimentáu por Espa?a dende 1978, cola incorporación de territorios históricamente marxinaos a meyores niveles de desarrollu (por exemplu Extremadura, Galicia, Castiella-La Mancha o Andalucía) y cola superación d’etapes de crisis d’otros territorios (por exemplu Asturies o Euskadi).
L’éxitu del modelu autonómicu tuvo nel so dinamismu y carácter abiertu una de les sos claves. La Constitución de 1978 parte d’un criteriu elemental, el llamáu principiu dispositivu, que permitió –y impulsó– que sía cada Comunidá Autónoma la que vaya marcando aspiraciones nueves nes sos cotes d’autogobiernu y desarrollu institucional, dientro del marcu y los límites establecíos pola Carta Magna. Una vez asentáu’l mapa autonómicu, y cola madurez algamada pol sistema, el principiu dispositivu cobró mayor vixencia que nunca, produciéndose nos últimos a?os un procesu de reformes estatutaries nel que cada Comunidá decide o non si plantea la modificación del so Estatutu y en qué términos, respetando en tou casu les disposiciones de la Constitución. Descartada la posibilidá de reeditar pactos estatales que signifiquen reformes simultánees y asemeyaes de los sos estatutos d’autonomía, agora ye cada Comunidá quien ha tomar les sos propies decisiones, reflexonando sobre les sos pretensiones como tal.
Por eso garra plenu sentíu’l procesu de reformes estatutaries abiertu nos últimos a?os, que va a dar nun modelu teritorial nuevu con signos federales más remarcaos. Ello nun quita recordar que l’Estáu central ha siguir xugando un papel importante pa evitar desequilibrios y desigualdaes territoriales, y pa que’l sistema mantenga una cierta coherencia qu’igüe toa complicación derivada de la multiplicidá d’ordenamientos xurídicos autonómicos y de l’actuación dispar de los diferentes gobiernos de les Comunidaes Autónomes col Estáu –y una confianza básica del conxuntu na acción de caún de los sos componentes– del Estáu coles Comunidaes Autónomes.
La etapa nueva del Estáu de les Autonomíes, netamente federalizante, esixe, polo tanto, adecuar y actualizar la noción d’Espa?a y de la organización estatal que manexamos. O entendemos que la pluralidá d’Espa?a —que como tal s’acepta comúnmente– ha tener un reflexu claru nel so entramáu institucional y nos procedimintos pa la toma de decisiones, o vamos xenerar la frustración que produz la inadecuación de los discursos a la realidá. Nesti llabor y nesti contextu, resulta inaplazable la reforma del Estatutu d’Autonomía d’Asturies, l’afondamientu nel nuestru autogobiernu, y el desarrollu y perfeccionamietu democráticu de les nuestres instituciones.

Espublizao en Les Noticies el 2 de febreru de 2007.